一首令我感觸的歌

自從中二開始聽完'范特西'之後我就開始一直留意他。開始既時候只是覺得他是一個有才華既歌手,而歌曲的旋律也很好聽而已,但是過了一段時間後,發現了他之後的大碟中既歌曲太多如有雷同,開始想他是否江朗才盡......只是有一天偶然之下看了一篇有關他新碟既評論,我相信是一個母親寫的,她說她以前不明女兒為何如此著迷他,但自從一天她發現了女兒漸漸地改變後,便開始聽了他的歌――’聽媽媽的話’後來便成為了他的歌迷,只因那首歌的歌詞。自此之後,我一直都有留意他每一首歌的歌詞,但是可能經歷不多或身份不同,始終沒有太大的代入感。但是出了新碟的他有了一首令我感觸的歌,一首令我發現和相信他的才華依舊,一首令我喜愛和支持他的創作依然的――’稻香’

路上籠罩著一片濃霧,

站立在彼方的燈塔所發出的光芒變得幽暗,

究竟是燈火將盡,還是雙眼朦朧......

又是這樣嗎?

昨天早上出門口好趕,於是踢左對拖就衝左出去(發現左一個現象就係屋企愈近,出門口愈遲,愈易遲到......),完曬d堂去左銀行去activate返個編碼器...明明問左d staff先去排隊,排完左被告知打個電話就ok,排隊都冇用...無奈啊

然後約左ALEX去食飯...少選擇果陣又話冇嘢食,多選擇果陣又唔知食咩,真矛盾!兩個人食完左嘢好奇怪地第一次冇分享下大家既心路歷程,可能要趕住走la,不過都好期待ALEX可以成功搞到gathering。冇錯la,趕住走,走左去旺角接我可敬既家姐,呵呵~

之後又趕啊趕,趕左去金鐘,去邊...去OP(冇見過返工後阿鏘,我地既王子爸爸,返左工之後好似有d唔同左...但又講唔出有咩唔同)...但結果...算la...叫做影左d相咁law...人山人海都真係想驚都冇得驚...前後左右都係人,搵鬼到鬼咩 ><,不聽老人言...(家姐:當你未去過睇左d廣告會好想去,但當你去完說發覺你之後都唔會去...)之後,出左去食夜宵,cwb既消費真係幾高,返到屋企訓得黎都三點幾四點。

以上廢話眾多...有時間可以睇下la...

今日去左明愛叫follow下個project,但真係好似有心無力...好想做好佢但人又少又冇人join,其他人又唔得閒,而且大家都好似冇咩心機,自己又衰喎d人一講到玩自己又認唔住搭訕傾左落去,真係對唔住我地努力既社工cat姑......

人生真係充滿迷茫,無奈,而日記又被他沾染成一片灰。希望夾雜在文章的字眼令它添上一點色彩。

大姐由日本歸來了,帶來了不少手信。

值得一提的是日本的帶子和巨峰提子 ^ ^,不知是否真的物以罕為貴,或者說人類有一種媚外的天性,又可能日本的產品質素真的較高,這些食物真的真的好食~呢~

在充斥著melamine的世界中有如此美味真的好好,因為melamine令我不敢食我最愛的朱古力,但現在總算有東西比我咬下。

(終於換左個錢包了 XD)